2010eko ekainaren 12an Ingurugiroari buruzko I. Marrazketa Lehiaketako sariak banatu ziren; ekitaldia Portugaleteko Ballonti merkatalguneko zinemetan ospatu zen eta Iker Fernandez kaztariak aurkeztu zuen. Garaileak erabakitzeko epaimahaikoak ados ipini behar izan dira eta ez da lan erraza izan, epaileak izan dira: Amaia Castillo, Ballonti merkatalguneko zuzendaria; Joseba Mancisidor, Ballontiko zinemetako kudeatzailea; Miguel Martinez, Cespako zuzendaria; Josu Ugarte, Bakeazeko zuzendaria; Gorka Etxabe, Portugaleteko Udaleko Ingurugiro saileko zinegotzia; Loli Torres, Portugaleteko Udaleko Hezkuntza saileko zinegotzia, eta Begoña Sieso, Garbikereko saila teknikoko kidea.

Sariei dagokienez, lehenengo saria lan gehien bidali dituen ikastetxeak jaso zuen, kasu honetan Bilboko Berrio Otxoa ikastetxea saritua izan zen eta 1.000 euro eraman zituen eskolarako materialean xahutzeko. Txekea, Berrio Otxoaren izenean, Rosa Valencia andereak hartu zuen. Oscar Rodriguez eta Raul Saez, Hiper Eroskiko kudeatzaileak eta ordezkariak hurrenez hurren, saria entregatu zuten.

Bestalde, 6 eta 9 urteren arteko umeei bideratutako sariari dagokionez, Hijas de la Caridad - Nuestra Señora de Begoña ikastolako 2.B klasea irabazlea izan zen, golardoa glea osorako Karrantzako Karpin Abentura parkera txangoa izan zen, irakasleekin batera gozatzeko. Saria Maria Santamarinak, Ballonti merkatalguneko ordezkariak, entregatu zuen, eta lanaren egileak jaso zuten: Aroa, Asier eta Nora.

Azkenik, Gernikako Mertzede Ikastetxeko seigarren mailako umeak 10 urtetik 14 urtetarako kategoriako golardoa irabazi zuten, hau da, gela osorako, irakasleekin batera, Donostiako Aquariumera txangoa eraman zuten. Saria Loli Torresek, Portugaleteko Udaleko Hezkuntza saileko zinegotziak, entregatu zuen, eta Rosa Herizek, zentro irabazlearen ordezkariak, jaso zuen.

Ekitaldia atsegina izan zedin, Daniel Ross magoak, behin gehiagotan, txundituta utzi zituen bertaratutakoak bere magia eta umorearekin.