Berdintasunari buruzko IX. Idazkuntza Lehiaketaren sari banaketa Leioako Artea merkataritza-parkean egin zen 2012ko urtarrilaren 13an. Ekitaldian, publikoaren artean, umeak eta nagusiak zeuden, eta arratsaldea atseginago egiteko, Martina pailazoak txundituta utzi zituen ikusleak bere magia eta umorearekin.
Lehenik eta behin, Leizaola Fundazioak sari berezia ematea erabaki zuen, 400 eurokoa, idazlan gehien bidali dituen ikastola edo ikastetxearentzat. Zentro desberdinetako umeek egindako ahaleginaren truke, Fundazioak erabaki du saria Bihotz Gaztea ikastetxeari ematea. Ikastolako ordezkari gisa, zentroko berdintasuna egitasmoaren kudeatzailea den Marije Serradak jaso zuen saria; hortaz, Jose Antonio Dorronsorok, Leizaola Fundazioko presidenteak, ikastola irabazlearen izena ezagutzera eman zuen.
Saritutako idazlanei dagokienez, lehenengo eta behin hirugarren postuan geratutako parte-hartzaileek jaso zuten saria. Hori dela eta, euskarazko modalitatean, María Garaizarrek, Mertzede Ikastetxearen bigarren zikloko irakasleak, Miriam Nitari, eskola bereko ikasleari, saria eman zion. Bestalde, gaztelaniazko ereduan, Cristian González izan zen saritua, Berrio Otxoa Ikastetxeko ikaslea; kasu honetan, oparia Artea merkataritza-zentroko zuzendari Raquel Conejoren eskutik jaso zuen. Hirugarren postuan geratutako bi parte hartzaileek DVD erreproduktore bana irabazi zuten.
Beste alde batetik, bigarren saria lortu zuten umeek musika ekipo zoragarria eraman zuten etxera. Euskarazko modalitatean, saria Jose Antonia Dorronsorok eman zuen. Leizaola Fundazioko lehendakariak Claudia Parteneri, Mertzede Ikastetxeko ikasleari, eman zion saria. Gaztelaniazko ereduaren kasuan, aldiz, saria Jaione Gorostiagak irabazi zuen, Nuestra Señora de Begoña Ikastetxeko ikasleak; Jaioneri saria Martina pailazoak eman zion.
Azkenik, lehenengo saria, euskarazko modalitatean, Miren Dobaranek, Bizkaiko Foru Aldundiko Euskara Sustapenerako zuzendariak, entregatu zuen. Kasu honetan, saria bi pertsonentzako asteburu bateko bidaia Madrilgo Warner Parkera izan zen, euskara ereduan garailea Ander Ortega izan zen, Dolores Ibarruri Ikastetxekoa, Gallartako ikastola. Aitzitik, Xabier Legarretak, Bizkaiko Foru Aldundiko Berdintasunerako Zuzendari Nagusiak, gaztelaniazko ereduan, Iñigo Aguiriano ikasleari eman zion lehenengo saria, Indautxuko Jesuitak Ikastetxekoa. |
