Azaroaren 25ean Leizaola Jardunaldia antolatu zen Lan Ekintza-Bilbaoko egoitzan, 'Lanari ekiteko eztabaidak' izenburupean, non ardatza emakume ekintzaileak izan ziren. Leizaola Fundazioak Lan Ekintza-Bilbaorekin batera egin izan ditu jardunaldi hauek behin baino gehiagotan, eta, bertan, Lan Ekintzaren laguntza izan duten emakume enpresariek hartu izan dute parte. Kasu honetan, protagonistak bi enpresaren ordezkariak izan ziren, eta euren esperientzia kontatzeko aukera izan zuten. Lehenengo eta behin, Ruth Ochoa eta Amaia Maguregui, Linda Lumiereko sortzaileak, aritu ziren; euren enpresak argazki zerbitzua eskaintzen du ezkontza eta gertakari berezietan. Gero, Cristina Batalerra, Lidera Eventos-eko ordezkaria, bere enpresaren inguruan mintzatu zen; enpresa hori egun edo data berezien diseinuaz, kudeaketaz eta antolaketaz arduratzen da.

Amaitzeko, jardunaldira bertaratutakoek tailer berritzaile batean hartu zuten parte, beraien iritzi eta ideiak metodologia dinamiko baten bitartez islatuz.

Bestalde, bizitza familiarraren eta lanaren arteko uztarketari buruzko VI. jardunaldiari dagokionez, profesional hauek aritu ziren bertan: Maria Silvestre (Emakunderen zuzendaria), Loli Garcia (Eusko Jaurlaritzako Politika Familiar eta Komunitarioko Zuzendaritzaren zuzendaria), Josu Bergara (Bizkaiko Foru Aldundiko Berdintasun eta Hiritarren Eskubideen zuzendari orokorra), eta Angel Elias (Leioako EHUko Lan-Harremanetako Eskolako zuzendaria).

Ekitaldian, hitzaldi eta mahai-inguru bana egin ziren, eta, bertan, Familia Legeari edota emakume eta gizonen arteko berdintasuna bilatzen duten entitate eta instituzioen lanari buruz hitz egin zuten. Hauek izan ziren mahai-inguruan parte hartu zutenak: Sabino Acha, Emazteki Elkarteko presidentea; Magdalena Mugika, Mujer SXXI Elkarteko presidentea; Ignacio Toro, AFAVIko presidentea; eta Iñaki Kasares, Gizon Ekimena erakundeko presidentea.