Leizaola Fundazioak Bake Bidean egitasmoaren VIII. edizioa antolatu du azaroaren 2an Leioako Kanpuseko Medikuntza fakultateko Gradu Aretoan. Irekiera-ekitaldian Ohorezko Aurreskua eman zen, eta Andoni Unzaluk, Eusko Jaurlaritzako Hiritar Eskuharmeneko Idazkari Nagusiak; Jose Manuel Martin Osantek, EHUko Zuzenbide Fakultateko Bizkaiko Irakasguneko Dekanorde-Koordinatzaileak; eta Jose Antonio Dorronsorok, Jesus Maria de Leizaola Fundazioko lehendakariak parte-hartu zuten. Horren ondorioz, Unzaluk irekialdi-hitzaldia ere eman zuen, non Bizikidetza Demokratikoaren eta Indarkeriaren ezetapenerako Eusko Jaurlaritzako plana aurkeztu zuen, gako goraipagarrienak azpimarratuz.

Bigarren hitzaldia, aldiz, Paul Riosek, Lokarriko Koordinatzaileak, eskaini zuen, EHUko Zuzenbide fakultateko irakaslea Ixusko Ordeñanak aurkeztuta. Mintzaldiaren muina Euskadiko Bake Prozesua izan zen, Riosek Lokarrik antolatutako Nazioarteko Bake Konferentziaren inguruko aipuak eta datuak eman zituen, betiere ETAren bukaera ardatz izanik.

Amaitzeko, azkeneko mahai-inguruan Euskal Autonomia Erkidegoko Legebiltzarra kontutan harturik, azken hauteskundeetan ordezkaritza lortu zuten alderdiak gonbidatuta izan dira, bertan parte-hartzeko eta egungo egoera politikoa aztertzeko, “Euskadik itzulerarik gabeko Bake egoera batera al doa?” izenburupean. Mahai-inguruko hizlariak hurrengoak izan ziren, Emilio Olabarria, Kongresuko Legebiltzarkidea eta Arabako EAJko hautagai burua; Oscar Rodríguez Vaz, PSE-PSOEko Eusko Legebiltzarreko Taldeko Idazkari Nagusia; Marisa Arrue, PPko bozeramailea Getxoko Udalean eta Bizkaiko zerrendan bigarrena Kongresurako; Iosu Murgia, Aralarreko Bizkaiko Koordinatzaile Nagusia; Joseba Gezuraga, EAko Bizkaiko Koordinatzaile Nagusia eta Bilduko Batzarkidea; eta Gorka Maneiro, UPyDko Legebiltzarkidea. Mahaiaren moderatzailea Eduardo Virgala, EHUko Zuzenbide Konstituzionaleko Katedraduna izan zen.